امریکی صدارتی امیدوار  جوبائیڈن نے صدر ڈونلڈ ٹرمپ کے اس دعوے کو مسترد کر دیا کہ کورونا ویکسین تیاری کےقریب ہے۔

تفصیلات کے مطابق صدارتی امیدوار  جوبائیڈن نے صدر ڈونلڈ ٹرمپ کو غیر معقول قرار دیتے ہوئے کہا کہ  صدر ٹرمپ کورونا وائرس  کی وبائی بیماری سے نمٹنے میں سراسر غیر معقول رہے ہیں  جس کے نتیجے میں ہزاروں جانیں ضائع ہوگئیں۔

جو بائیڈن نے کہا کہ  اگر صدر شروع سے ہی اپنا کام انجام دیتے تو تمام لوگ اب بھی زندہ ہوتے۔  ٹرمپ امریکی عوام کو انفیکشن کے سنگین خطرات سے خبردار کرنے میں ناکام رہے۔

انہوں نے مزید کہا کہ  ٹرمپ نےماسک پہننے کی اہمیت کے بارے میں  بھی لوگوں کو گمراہ کیا۔

واضح رہے کہ ڈونلڈ ٹرمپ نے کہاتھا کہ کورونا وائرس ویکسین صرف ہفتوں کی دوری پر ہوسکتی ہے۔