امیر کویت شیخ صباح الاحمد الصباح انتقال کر گئے ہیں، اس ضمن میں دیوان امیری کی جانب سے امیر کویت کی وفات کی تصدیق کردی گئی۔

 امیر کویت کی وفات کا باقاعدہ اعلان شاہی امور کے انچارج وزیر شیخ علی جارح الصباح نے سرکاری ٹی وی پر کیا گیا ہے۔

یاد رہے کہ امیرِ کویت امریکا میں زیر علاج تھے جہاں آج ان کا انتقال ہواجبکہ انتقال کے وقت ان کی عمر 91 برس تھی۔

امیر کی جولائی میں اپنے ملک میں بھی سرجری کی گئی تھی اور ان کی صحت میں بہتری سے متعلق 14 ستمبر کو کویتی وزیر اعظم نے کابینہ کو آگاہ بھی کیا تھا۔

امیر کویت کی وفات پر کویت کے ٹیلیویژن چینل کی جانب سے روزنامہ پروگرام بند کردیا گیا اور قرآن مجید کی آیات نشر کیں گئی جبکہ دوسری جانب 29 ستمبر 2020 کو کویتی اسٹاک مارکیٹ میں بھی 2.2 فیصد کی کمی واقع ہوئی۔

خیال رہے کہ شیخ صباح الاحمد الجابرالصباح 2006 میں امیر کویت بنے جو اپنی علالت تک عہدے پر فائز رہے ہیں اور شیخ صباح الاحمد الجابرالصباح کویت کے وزیر اعظم بھی رہے جب کہ وہ کویت کے 40 سال تک وزیر خارجہ بھی رہے ہیں۔

ان کے انتقال کے بعد ان کے 83 سالہ سوتیلے بھائی شیخ نواف الاحمد الصباح کے امیر کویت بننے کے قوی امکانات ہیں۔