کورونا وباء نے دنیا پر اپنی گرفت مضبوط کرنا شروع کردی ہے جس کے بعد دنیا بھر میں مریضوں کی تعداد تین کروڑ بیاسی لاکھ اور اموات دس لاکھ اٹھاسی ہزار سے تجاوز کر گئیں۔

عالمی ادارہ صحت کے مطابق گزشتہ ہفتے یورپ بھر میں کورونا سے سات لاکھ سے زائد لوگ متاثر ہوئے ہیں۔

کورونا وباء کے آغاز کے اب تک یہ ریکارڈ کیسز ہیں، ان میں سے نصف سے زائد کیسز برطانیہ،فرانس، روس اور اسپین میں ریکارڈ ہوئے ہیں۔

روس میں ایک بار پھر یک روز میں پندرہ ہزار سے زائد کیسز رپورٹ ہوئے، روس میں وباء سے متاثرہ لوگوں کی تعداد تیرہ لاکھ چھبیس ہزار سے بڑھ گئی۔

چین میں بھی دو ماہ بعد کورونا کے مقامی کیسز سامنے آگئے ہیں جبکہ گزشتہ روز چھ مقامی کیسز کی تصدیق ہوئی ہے۔

برطانیہ میں کورونا کیسز میں مزید تیزی آگئی، اس ضمن میں میئر لندن کا کہنا ہے کہ آنے والے دنوں میں سخت پابندیاں لگائی جا سکتی ہیں۔

یوکرین نے کورونا کیسز میں اضافے کے بعد پابندیوں میں اکتیس دسمبر تک توسیع کردی ہے۔ یوکرین میں مریضوں  کی تعداد دو لاکھ ستر ہزار اور ہلاکتیں پانچ ہزار سے بڑھ گئی ہیں۔