امریکہ میں 59ویں صدارتی انتخابات میں ٹرمپ کی جانب سے الیکشن اور ووٹوں کی گنتی پر دھاندلی کے الزامات عائد کئے گئے ہیں جس کے باعث ان کی پریس کانفرنس کی براہ راست نشریات روک دی گئیں۔

ڈونلڈ ٹرمپ کی جانب سے انتخابات میں بغیر ثبوت دھاندلی کے الزامات عائد کئے گئے ہیں جس کے ردعمل میں ایک امریکی نجی چینل کی جانب سے ٹرمپ کی پریس کانفرنس کی براہ راست نشریات روک دی گئیں ہیں۔

امریکی صدر ڈونلڈ ٹرمپ نے پہلی بار پریس کانفرنس کی اور یہ پریس کانفرنس 17 منٹ تک جاری رہی تاہم پریس کانفرنس کے دوران امریکی صدر نے ایک بار پھر ڈیموکریٹس پر دھاندلی کے الزامات لگائےجس پر امریکی نشریاتی اداروں نے ان کی براہ راست تقریر کٹ کر دی۔

امریکی نجی چینل کی جانب سے اس حوالے سے مؤقف اختیار کیا گیا ہے کہ ہمیں ایک بار پھر غیر معمولی صورتحال کا سامنا ہے جہاں ہمیں نہ صرف امریکی صدر کے خطاب کے دوران مداخلت کرنی پڑرہی ہے بلکہ ان کی تصحیح بھی کرنی پڑ رہی ہے۔