کورونا وائرس کی وجہ سے سعودی عرب سمیت دنیا کے کئی ممالک  میں تعلیمی ادارے بندش کا شکار ہیں۔

تفصیلات کے مطابق  سعودی عرب میں کورونا وائرس کی وجہ سے بندش کا شکار  تعلیمی اداروں کے کھولے جانے کے بارے  میں تاحال فیصلہ نہیں کیا  گیا ہے۔

سعودی وزیر تعلیم کا کہنا ہے کہ کورونا وائرس کی وجہ سے اسکول کھولنے کا فیصلہ تاحال نہیں کیا جاسکا ہے۔ وبائی مرض کے بعد سے تاحال آن لائن ایجوکیشن جاری ہے۔

یاد رہے کہ سعودی عرب میں تمام متعلقہ وزارتیں متفقہ طور پر کسی معاملے پر فیصلہ صادر کرتی ہیں۔

اس حوالے سے وزارت تعلیم کا کہنا تھا کہ جب تک وزارت صحت کی جانب سے اسکول کھولنے کے لیے گرین سگنل نہیں مل جاتا اس وقت تک آن لائن تعلیم کا سلسلہ ہی جاری رہے گا۔

واضح رہے کورونا وائرس کے بعد 20 مارچ 2020 سے روایتی تعلیم کا سلسلہ بند ہے ۔