امریکا سے کشیدگی، ایران نے طاقت جمع کرنا شروع کردی، پاسداران انقلاب نے خلیج میں زیر زمین میزائل اڈے کا افتتاح کردیا ہے۔

ایرانی میڈیا کے مطابق ایران کے ایلیٹ پاسداران انقلاب نے خلیج کے ایک نامعلوم مقام پر زیرزمین میزائل اڈا کا افتتاح کیا ہے، خلیج فارس کے ساحل کے قریب اس میزائل سٹی کا تعلق سپاہ پاسداران انقلاب  کے بحری یونٹ سے ہے۔

تفصیلات کے مطابق  یونٹ میں متعدد قسم کے پیشرفتہ اور اسٹرٹیجک میزائلوں کا بڑا اسٹاک موجود ہے، ایران بارہا اپنی ہوشربا دفاعی توانائیوں کا مظاہرہ دنیا کے سامنے کر چکا ہے۔

مقامی میڈیا کے مطابق میجر جنرل حسینی سلامی کا کہنا ہے کہ یہ اڈہ ان اڈوں میں سے ایک ہے جو گارڈز کے بحریہ کے اسٹریٹجک میزائلوں کی رہائش کرتا ہے، گزشتہ سال ایران نے خلیجی ساحلی کے ساتھ زیر زمین “میزائل شہر” تعمیر کیے تھے، جس میں ایران کے دشمنوں کے لئے ایک خطرناک  وارننگ دی گئی تھی۔