امریکی سفارتخانے کی جانب سے علی سدپارہ سمیت دیگر کوہ پیماؤں کی گمشدگی پر افسوس کا اظہار کیا گیا ہے۔

تفصیلات کے مطابق امریکی سفارتخانے کی جانب سے علی سدپارہ سمیت دیگر کوہ پیماؤں کے حوالے سے ایک پیغام جاری کیا گیا ہے۔

Our thoughts are with the brave climbers, Muhammad Ali Sadpara of #Pakistan, Juan Pablo Mohr of Chile, and John Snorri of Iceland, who are missing on #k2 We all hope for their safe return! #K2WinterSummit2021 #alisadpara pic.twitter.com/FS7RQaub2H

— U.S. Embassy Islamabad (@usembislamabad) February 8, 2021

سفارتخانے کی جانب سے جاری کردہ پیغام میں علی سدپارہ سمیت دیگر کوہ پیماؤں کی گمشدگی پر افسوس کا اظہار کرتے ہوئے جلد واپسی کے لئے دعا کی گئی ہے۔

دنیا کے دوسرے بلند ترین پہاڑ کے ٹو کو سر کرنے کی کوشش کے دوران لاپتہ ہونے والے پاکستان کے عالمی شہرت یافتہ کوہ پیما علی سد پارہ اور ان کی ٹیم کی تلاش کےلئے آج پھر سے سرچ آپریشن شروع کر دیا گیا ہے۔

گزشتہ روز کیے جانے والے فضائی سرچ آپریشن میں بھی موسم سرما میں کے ٹو سر کرنے کی کوشش کے دوران لاپتہ ہونے والے علی سدپارہ اور ان کے ساتھیوں کا پتا نہیں چل سکا تھا۔