روس میں جاری افغان امن کانفرنس کے شرکاء کی جانب سے مشترکہ بیان جاری کردیا گیا ہے۔

تفصیلات کے مطابق روس کے دار الحکومت ماسکو میں جاری افغان امن مذاکرات کے حوالے سے شرکاء کی جانب سے مشترکہ بیان جاری کیا گیا ہے جس کا اعلامیہ بھی جاری ہوگیا ہے۔

افغان امن مذاکرات کے جاری اعلامیہ کے مطابق افغانستان میں پائیدار امن سیاسی مذاکراتی عمل کے ذریعے ہی ممکن ہے۔

افغان تنازعے کے تمام فریق تشدد میں کمی لائے اور طالبان کسی بھی قسم کی کارروائی سے گریز کریں۔

افغان حکومت اور طالبان کی جانب سے کسی بھی دہشتگرد گروپ کو اپنی سرزمین کا استعمال کسی دوسرے ملک کے خلاف استعمال کرنے کی اجازت نہ دی جائے۔

افغانستان کی حکومت اور قومی مصالحاتی اعلیٰ کونسل مسئلے کے حل کے لئے طالبان سے مذاکرات کریں اور تمام فریق 4 دہائیوں سے جاری جنگ کے خاتمے کے لئے امن مذاکرات کو حتمی شکل دیں۔