بھارت میں گزشتہ 24 گھنٹوں کے دوران کورونا سے متاثرہ مریضوں کی تعداد 279180 ریکارڈ کی گئی ہے۔

میڈیا رپورٹس کے مطابق بھارت میں کورونا وائرس کا پھیلاؤ تیزی سے جاری ہے جس سے اب تک 180550 افراد جان کی بازی ہار چکے ہیں۔

بھارت میں ایک ہی روز میں کورونا وائرس کے 2 لاکھ 75 ہزار سے زائد کیسز سامنے آئے تھے۔

بھارت میں عالمی وبا قرار دیئے جانے والے کورونا وائرس کے مثبت کیسز میں ہونے والے بے پناہ اضافے کے بعد گزشتہ شب سے نئی دہلی میں ایک ہفتے کا لاک ڈاؤن نافذ کردیا گیا ہے۔

رپورٹ کے مطابق دہلی میں گزشتہ 24 گھنٹوں کے دوران 25462 نئے کیسز جبکہ 161 افراد کورونا وائرس کے باعث جاں بحق ہوگئے ہیں۔

اسکے علاوہ شہر میں اسپتالوں میں کورونا کے بڑھتے ہوئے مریضوں کے باعث سہولیات میں کمی ہوتی جارہی ہے۔