عالمی ادارہ صحت ( ڈبلیو ایچ او) نے کہا ہے کہ کورونا وائرس میں مبتلا افراد کی گھر میں رہتے ہوئے بھی کیئر کی جاسکتی ہے۔

میڈیا رپورٹس کے مطابق بھارت میں کورونا وائرس کی موجودہ صورتحال کے پیش نظر بیان جاری کیا گیا ہے جس میں بتایا گیا ہے کہ بھارت میں کورونا کی تین اقسام موجود ہیں۔

عالمی ادارہ صحت کا کہنا تھا کہ بھارت میں کورونا کی دوسری لہر کا سبب تین اقسام بھی ہوسکتی ہیں۔

ڈبلیو ایچ او کے جاری بیان میں بتایا گیا ہے کہ بھارت میں بڑی تعداد میں لوگوں کے اسپتال جانے سے مسائل پیداہورہے ہیں جبکہ حالیہ بڑے اجتماعات سمیت دیگر عوامل بھی کورونا پھیلانے میں شامل ہیں۔

خیال رہے کہ ادارے کی جانب سے بھارت کیلئے 4 ہزار آکسیجن کنسنٹریٹرز بھجوانے کیلئے کام کیا جارہا ہے۔