مائیکرو سافٹ کے بانی بل گیٹس کی جانب سے کورونا وباء کے مکمل خاتمے کے حوالے سے پیش گوئی کی گئی ہے۔

میڈیا رپورٹس کے مطابق بل گیٹس نے اپنے ایک انٹرویو میں کہا ہے کہ ویکسینیشن کے مؤثر استعمال سے 2022 میں دنیا بھر میں معمولات زندگی بحال ہو جانے کے واضح امکانات ہیں۔

بل گیٹس نے کہا ہے کہ مختصر عرصے کے دوران کورونا ویکسین کی تیاری ایک واضح کامیابی ہے تاہم اس وقت دنیا بھر میں کورونا ویکسین صرف امیر ملکوں کو مہیا  کی جارہی ہے جس کے نتیجے میں وائرس کی زیادہ متعدی اقسام دوسرے ملک میں پھیل سکتی ہیں۔

بل گیٹس نے کہا کہ اس سال ری انفیکشن کی لہر سامنے آئی ہے ، جس کا مطلب یہ ہے کہ وباء کا خاتمہ 2022 کے آخر تک ہی ممکن  ہوسکے گا ماسوائے اس صورت میں اگر ہم زیادہ بہتر کام کریں۔