بیت المقدس اور مسجد اقصیٰ میں اسرائیلی فورسز کی ظالمانہ کارروائیوں پر او آئی سی کے مستقل مندوبین کا اجلاس آج ہوگا۔

او آئی سی اجلاس میں فلسطینیوں کو زبردستی بے دخل کرنے کے معاملے پر غور کیا جائے گا۔

خیال رہے کہ اس سے قبل مقبوضہ بیت المقدس کی صورتحال پر غور کے لئے سلامتی کونسل کا ہنگامی اجلاس ہوا جس میں شرکاء نے فلسطین کاز کیلئے اپنی مکمل حمایت کا اعادہ  کیا اورعالمی برادری نے فلسطینی عوام کے تحفظ کیلئے فوری اقدامات کرنے کا مطالبہ کیا ہے۔

ترک صدر رجب طیب اردوان  نے فلسطینی صدر محمود عباس اور حماس کے سربراہ اسماعیل ہانیہ کے  ساتھ  ٹیلیفونک رابطہ کیا  اور اسرائیلی جارحیت  کی  بھرپور الفاظ میں مذمت کی ہے۔

دوسری جانب عرب لیگ کا ہنگامی اجلاس بھی 19 مئی کو قاہرہ میں طلب کیا گیا ہے۔