افغان دارالحکومت میں دھماکوں کی گونج، ایک منٹ‌ کے اندر 3 دھماکے ہوئے۔

غیر ملکی میڈٰیا کے مطابق افغان دارالحکومت میں قائم گرلزاسکول کے بالمقابل یکے بعد دیگر تین کار بم دھماکے ہوئے ہیں، جس کے نتیجے میں کم از کم 40 افراد ہلاک اور متعدد زخمی ہوئے ہیں۔

پولیس کے مطابق دھماکوں میں ہلاک ہونے والوں میں زیادہ تعداد بچوں کی ہے۔

ریسکیو ذرائع کے مطابق زخمیوں کوتشویشناک حالت میں اسپتال منتقل کردیا گیا ہے۔

دھماکوں کے بعد شہریوں نے آسمان پر دھوئیں کے سیاہ بادل دیکھے جبکہ دھماکوں کے بعد سیکیورٹی فورسز کی بھاری نفری جائے وقوعہ پر پہنچی اور علاقے کو سیل کر کے شواہد اکھٹے کیے جا رہے ہیں۔

افغانستان کے وزارت داخلہ دھماکوں میں کم از کم 40 افراد ہلاک ہونے کی تصدیق کردی ہے۔

دوسری جانب طالبان نے ایک ٹویٹ میں اس واقعے کی مذمت کرتے ہوئے اس حملے میں ملوث ہونے کی تردید کردی ہے۔