امریکی صدر جوبائیڈن کی جانب سے  بجٹ 2021 کے لئے ساٹھ کھرب ڈالر کی تجاویز پیش کردی گئی ہیں۔

میڈیا رپورٹس کے مطابق امریکی صدر جوبائیڈن کے پیش کردہ بجٹ میں ماحولیاتی تبدیلی سے نمٹنے کیلئے آٹھ سو ارب ڈالر کی تجویز پیش کی گئی ہے۔

امریکی بجٹ 2021 میں ارلی ایجوکیشن کیلئے 200 ارب ڈالر  جبکہ کمیونٹی کالج سروس کیلئے 109 ارب ڈالر کی تجاویز پیش کی گئی ہیں۔

ریل روڈ منصوبوں کیلئے 275 ارب ڈالر کی تجویز جبکہ پاک ملٹری ایجوکیشن پروگرام کیلئے 45 لاکھ ڈالر کی تجویز پیش کی گئی ہے۔

اسکے علاوہ پاک اکنامک سپورٹ پروگرام کیلئے چار کروڑ پچھہتر لاکھ ڈالر کی تجویز پیش کی گئی ہے۔

خیال رہے کہ سال 2021 کا پیش کردہ بجٹ کورونا سے پہلے کے بجٹ سے تقریباً پچاس فیصد زیادہ ہے اور یہ  بجٹ منظوری کیلئے امریکی سینیٹ میں پیش کیا جائے گا۔