سعودی حکومت کی جانب سے کورونا ویکسین کو لازمی قرار دیدیا گیا ہے۔

میڈیا رپورٹس کے مطابق سعودی حکومت نے تمام ثقافتی، سیاحتی اور شہری سرگرمیوں میں شمولیت کیلئے یکم اگست سے ویکسی نیشن کو لازمی قرار دے دیا ہے۔

اس ضمن میں سعودی وزارت داخلہ کا کہنا ہے کہ  تمام سرگرمیوں بشمول پبلک ٹرانسپورٹ کے استعمال، سرکاری دفاتر کے وزٹ اور دیگر ثقافتی و سیاحتی سرگرمیوں کیلئے یکم اگست سے ویکسی نیشن کو لازم قراردیا جارہا ہے۔

وزارت داخلہ نے اپنے بیان میں مزید کہا کہ یہ فیصلہ حکومت کی جانب سے ملک سے کورونا وباء کے مکمل خاتمے کیلئے کیا گیا ہے۔

خیال رہے کہ سعودی عرب میں اب تک ساڑھے تین کروڑ شہریوں میں سے ایک کروڑ  سے زائد شہری ویکسین لگواچکے ہیں۔