سعودی عرب نے عوام کی سہولت کے لئے مفت سروس نمبر فراہم کرنے کا اعلان کیا ہے۔

میڈیا رپورٹس کے مطابق سعودی آئی ٹی کمیشن کی جانب سے اعلان کیا گیا ہے کہ چند مخصوص نمبروں کو عوام کی سہولت کے لئے مقرر کردیا گیا ہے۔

آئی ٹی کمیشن کے مطابق ان نمبروں پر کوئی چارجز لاگو نہیں کیے گئے ہیں۔

 ترجمان نے کہا ہے کہ 9200 سے شروع ہونے والے نمبروں پر رابطہ مفت ہے، کمیشن نے مواصلاتی خدمات فراہم کرنے والے اداروں کو اس کی اطلاع دے دی ہے۔

کمیونیکیشن کمیشن نے کہا کہ مواصلاتی کمپنیوں نے آج سے صارفین کے لیے آگاہی پیغامات بھیجنے شروع کردیئے ہیں جن میں صارفین سے کہا گیا ہے کہ وہ مشترکہ پیکیج کے لئے رابطہ کریں تو رابطہ نمبر9200 کا اضافہ کرلیں۔

خیال رہے کہ ادارے کی جانب سے اس سروس کا آغاز عوام کی شکایات پر کیا گیا ہے ۔