سی اے اے  نے سفری پابندی والے ممالک میں رہائش پذیر پاکستانیوں کے لئے بڑی خوشخبری کا اعلان کر دیا ہے۔

سی اے اے کی تفصیلات کے مطابق  رواں سال جون کے مہینے کے دوران پاکستان آنے کی خواہش رکھنے والے پاکستانیوں کو سفر کی اجازت دے دی گئی ہے ساتھ ہی  کورونا ٹیسٹ اور قرنطینہ کو لازمی قرار دیا گیا ہے۔

سی اے اے نے بیرون ملک سے پاکستان آنے مسافروں اور چارٹرڈ فلائٹس سے متعلق نیا سفری ہدایات نامہ بھی جاری کردیا ہے ، کیٹیگری سی کے ممالک  کی فہرست کو 38 ممالک سے کم کرکے 26 کردی گئی ہے۔

بھارت ، ارجنٹینا ، بنگلادیش ، بھوٹان ، بولیویا ، برازیل ، چلی کیٹیگری سی کے ممالک میں شامل ہیں۔

واضح رہے کہ کولمبیا ، کوسٹا ریکا ، انڈونیشیا ، ایران ، عراق ، میکسیکو، جنوبی افریقہ ، سری لنکا سمیت 26 ملکوں پر سفری پابندی بدستور برقرار رکھنے کا فیصلہ کیا گیا ہے۔