اسرائیل میں ایک ایسا واقعہ پیش آیا ہے جس نے دیکھنے والوں کے دل دہلا دیئے ہیں۔

میڈیا رپورٹس کے مطابق اسرائیل کی ریاست مغربی یروشلم میں  پارکنگ میں اچانک زمین میں بڑا سوراخ بن گیا اور وہاں کھڑی کاریں اس میں گر کر غائب ہو گئیں۔

رپورٹس میں بتایا گیا ہے کہ یہ واقعہ مغربی یروشلم میں واقع ایک صدی سے زائد پرانے اور بڑے اسپتال شارے زیڈک میڈیکل سینٹر کی پارکنگ میں پیر کی دوپہر کو پیش آیا ہے۔

رپورٹس میں بتایا گیا ہے کہ سطح کا پانی زیر زمین لے جانے والا ایک بہت بڑا سِنک ہول اچانک ہی کھل کر اندر دھنس گیا تھا جس میں تین کاریں سوراخ کے اندر گر کر غائب ہوگئیں۔

واقعے کے فوراً بعد ریسکیو ٹیم نے اچھی طرح سے جائزہ لے کر یقینی بنایا کہ واقعے میں کوئی بھی زخمی نہیں ہوا ہے۔