اطلاعات یہ ہیں کہ بھارت کی جانب سے خلائی مشن پر بھیجا جانے والا اسپیس راکٹ گر کر تباہ ہوگیا ہے۔

رپورٹس میں میں بتایا گیا ہے کہ انڈین اسپیس آرگنائزیشن کی جانب سے خلائی مشن پر بھیجا جانے والا راکٹ اڑان بھرنے کے فوراً بعد ہی زمین پر گر کر تباہ ہوگیا ہے۔

سماجی رابطے کی ویب سائٹ پر اسرو نے بتایا ہے کہ  طیارے کی پہلی اور دوسری اسٹیج نارمل تھی البتہ اس کی کریو جینک اپر اسٹیج اگنیشن میں تکنیکی خرابی کی وجہ سے مشن کامیاب نہیں ہوا ہے۔

GSLV-F10 launch took place today at 0543 Hrs IST as scheduled. Performance of first and second stages was normal. However, Cryogenic Upper Stage ignition did not happen due to technical anomaly. The mission couldn't be accomplished as intended.

Advertisement

— ISRO (@isro) August 12, 2021

 سیٹلائٹ مشن میں شامل اسرو راکٹ F10/EOS-03 نے زمین کے مشاہدے کے لیے سیٹلائٹ کو بھارت کے مشرقی ساحل پر واقع خلائی مرکز سے جیو اسٹیشنری مدار میں ڈالنے کی کوشش کی۔

یہ مشن گزشتہ سال مارچ میں روانہ ہونا تھا لیکن پہلے تکنیکی خرابیوں کی وجہ سے اس میں تاخیر ہوئی اس کے بعد  بھارت میں جاری کورونا کی دوسری لہر کی وجہ سے اسے ملتوی کردیا گیا۔

 بھارت کا رواں سال فروری میں چھوٹے پولر سیٹلائٹ لانچ وہیکل (PSLV) کی کامیاب پرواز کے بعد  یہ اس سال کا دوسرا خلائی  مشن  تھا۔

یاد رہے کہ بھارت کی  مسلسل 16 خلائی مشنز کی کامیابی کے بعد یہ پہلی ناکامی ہے۔