افغانستان میں قائم نئی طالبان حکومت کی جانب سے خواتین کے حوالے سے نئے قوانین کا اعلان کردیا گیا ہے جس میں صحافی خواتین کو پردے کے احکامات دیئے گئے ہیں۔

رپورٹس کے مطابق افغان حکومت نے خواتین کے ڈراموں میں کام کرنے پر پابندی کے ساتھ ساتھ خواتین صحافی اور ٹی وی اینکرز کو پابند کیا گیا ہے کہ ٹی وی پر آنے سے قبل انھیں سر ڈھانپنا ہو گا۔

اس حوالے سے حکومت کی جانب سے ٹی وی چینلز کو 8 نکاتی ہدایات بھیجی گئی ہیں جس میں بتایا گیا ہے کہ غیر ملکی ثقافت کو فروغ دینے والی فلموں پر پابندی کے ساتھ اسلامی قوانین اور افغان اقدار کے منافی فلموں پر بھی پابندی عائد ہوگی۔