امریکا نے روس کو متنبہ کیا ہے کہ 2014 میں کریمیا سے مشابہہ اقدامات کرنے سے گریز کیا جائے۔

ترجمان وائٹ ہاؤس جین ساکی نے معمول کی پریس بریفنگ میں حالیہ دنوں میں یوکرائن کے معاملے پر امریکا روس تعلقات میں مسلسل بڑھتے تناؤ کا جائزہ لیا۔

انہوں نے کہا کہ ہم ماسکو کے یوکرائن سے متعلق جارحانہ اقدامات پر نگاہ رکھے ہوئے ہیں اور وزیر خارجہ انتونی بلنکن نے روسی ہم منصب سرگئی لاروف سے ملاقات میں یوکرائن کے معاملے میں اپنے تمام اندیشوں کو واضح طور پر بیان کیا ہے۔

اس سوال کہ جواب میں کہ کیا امریکہ کے پاس روس کے معاملے میں پابندیوں کے علاوہ کوئی اور ترجیح موجود ہے یا نہیں؟  جین ساکی نے کہا کہ ہم نے یوکرائن کی فوجی امداد میں اضافہ کر دیا ہے اور روسی فریق کو براہ راست آگاہ کر دیا ہے کہ اگر 2014 کے کریمیا الحاق سے مشابہہ کوئی قدم اٹھایا گیا تو ہمارے پاس بہت سی ترجیحات موجود ہیں۔