نئی دہلی: بپن راوت کے ہیلی کاپٹر کریش میں واحد زندہ بچ جانے والے گروپ کیپٹن ورون سنگھ بھی اسپتال میں دم توڑ گئے ہیں۔

کشمیر میڈیا سروس کی رپورٹ کے مطابق بھارتی فضائیہ کے 8 دسمبر کو بھارتی ریاست تامل ناڈو میں ہیلی کاپٹر حادثے میں زخمی ہونے والا گروپ کیپٹن ورون سنگھ آج بنگلور کے ایک اسپتال میں دم توڑ گیا ہے۔

یہ بھی پڑھیں: جنرل بپن راوت کے ہیلی کاپٹر پائلٹ کا ابھینندن سے کیا تعلق ہے؟

کشمیر میڈیا سروس کی رپورٹ کے مطابق ورون سنگھ کی ہلاکت کی تصدیو بھارتی فضائیہ کی جانب سے بھی کی گئی ہے۔

واضح رہے کہ ورون سنگھ شدید زخمی حالت میں تامل ناڈو کے ولنگٹن اسپتال منتقل کیا گیا تھا جس کے بعد انہیں بنگلور کے ایک اسپتال منتقل کردیا گیا تھا، جہاں وہ آج صبح دم توڑ گئے ہیں۔

یاد رہے کہ 8 دسمبر کو بھارتی ریاست تامل ناڈو میں ہیلی کاپٹر حادثے میں بھارتی فوج کے چیف آف ڈیفنس اسٹاف جنرل بپن راوت اور ان کی اہلیہ سمیت مسلح افواج کے 11 اہلکار ہلاک ہوگئے تھے۔