امریکی فضائیہ کے 27 اہلکاروں کو کورونا ویکسین نہ لگوانے پر نوکریوں سے برخاست کردیا گیا ہے۔

امریکی نشریاتی ادارے کے مطابق فضائیہ نے اپنے اہلکاروں اور حکام کو ہدایت کی تھی کہ وہ کورونا سے بچاؤ کے لیے 2 نومبر تک ویکسینیشن کا عمل مکمل کروالیں۔ ہدایت کی روشنی میں ہزاروں اہلکاروں اور افسران نے ویکسی نیشن کروالی لیکن کچھ نے ویکسی نیشن سے مکمل انکار کیا یا پھر طبی وجوہات کی بنیاد پر ویکسینیشن سے استثنیٰ کی درخواست کی۔

یہ بھی پڑھیں: امریکی صدر نے کورونا ویکسین کی بوسٹر ڈوز لگوالی

امریکی فضائیہ کی ترجمان این اسٹیفنک نے کہا کہ یہ اولین اہلکار ہیں جنہیں ویکسین نی لگوانے پر ملازمتوں سے فارغ کیا گیا ہے۔ برطرف کئے گئے تمام اہلکار جونیئر اور نچلی سطح کے افسران تھے۔ ان اہلکاروں میں 7  نے کسی بھی قسم کی مذہبی، طبی یا انتظامی استثنیٰ کی درخواست نہیں کی تھی۔

یہ بھی پڑھیں: امریکا میں 5 سال سے بڑے بچوں کے لیے ویکسینیشن

این اسٹیفنک نے کہا کہ عام طور پر امریکی فوج میں کسی بھی فوجی کی برخساتگی کی وجوہات کو ظاہر نہیں کیا جاتا لیکن ویکسین نہ لگوانے والے فوجی اہلکاروں کی باعزت طریقے سے برخاستگی کے لیے امریکی ایوان نمائندگان کے ذریعے قانون سازی پر کام کیا جارہا ہے۔

امریکی فضائیہ کی ترجمان نے مزید کہا کہ عسکری اداروں میں نظم و ضبط سب سے اہم اصول ہے جسے کسی بھی صورت توڑا نہیں جاسکتا، اس لئے فوج سے کسی بھی اہلکار کی برطرفی کوئی غیر معمولی بات نہیں، 2021 کے ابتدائی 9 ماہ کے دوران 1800 فوجیوں کو حکم پر عمل نہ کرنے پر نکالا جاچکا ہے۔

یہ بھی پڑھیں: امریکا میں سفری پابندیاں ختم

امریکی فضائیہ کے ڈیٹا کے مطابق ادارے کے مختلف شعبوں میں کام کرنے والے 97 فیصد افراد نے ویکسینیشن کروالی ہے، 4700 حاضر سروس اہلکاروں نے مذہبی بنیادوں پر ویکسین لگوانے سے استثنیٰ مناگا ہے جب کہ ایک ہزار سے زائد اہلکاروں نے ویکیسن لگوانے کی کوئی وجہ نہیں بتائی۔