فرانس میں کورونا کی نئی قسم اومیکرون کا پہلا کیس سامنے آگیا۔ 47 سالہ مریض میں اومیکرون وائرس کی تشخیص ہوگئی۔

فرانس میں کورونا وائرس کی پانچویں لہر کے باعث متاثرہ کیسز میں نہایت تیزی سے اضافہ ہو رہا ہے۔

فرانس میں دو ہفتے قبل متاثرہ کیسز کی یومیہ تعداد 9458 تھی جو گزشتہ ہفتے 75 فیصد اضافے کے بعد 15 ہزار کے قریب ہوگئی۔

فرانس میں کورونا وائرس کی نئی قسم کے پھیلاؤ کو روکنے کے لیے ملک بھر کے ریستورانوں، کیفے اور دیگر عوامی مقامات پر ہیلتھ پاس لازمی قرار دیا گیا ہے۔

اس پیشتر آج سعودی عرب میں بھی پہلا اومیکرون کیس سامنے آیا جہاں سعودی وزارت صحت نے کیس تصدیق کی۔