عرب اتحاد نے یمن کے گورنریٹ مارب میں 24 گھنٹوں کے دوران فضائی حملوں میں مزید 95 حوثی ہلاک اور 11 فوجی گاڑیاں تباہ کرنے کا دعویٰ کیا ہے۔

عرب اتحاد کے مطابق 24 گھنٹوں کے دوران مارب میں حوثیوں کے ٹھکانوں پر 16 فضائی حملے کیے گئے۔

سرکاری خبر رساں ایجنسی ایس پی اے کے مطابق عرب اتحاد کے ترجمان نے بیان میں کہا کہ یمن کی فضائی حدود میں دو ڈرونز کو راستے میں روک کر تباہ کیا گیا۔

عرب اتحاد کے یہ فضائی حملے گزشتہ دنوں حوثیوں کی جانب سے سعودی عرب کے شہر جدہ میں واقع آرامکو آئل تنصیبات پر بیلسٹک میزائل اور ڈرون حملوں کا ردعمل ہیں۔