لندن: سکھوں کی آزاد ریاست خالصتان کے لئے ریفرنڈم کا پانچواں مرحلہ کل برطانیہ میں ہوگا۔

کشمیر میڈیا سروس کے مطابق رواں سال اکتوبر میں برطانیہ میں مقیم سکھ برادری کی جانب سے ریفرنڈم کا مرحلہ شروع ہوا جس میں ہزاروں سکھوں نے حصہ لیا جبکہ 4 مرحلوں کے بعد پانچواں مرحلہ کل سے شروع ہوگا۔

رپورٹ کے مطابق سکھوں کی جانب سے ریفرنڈم میں بڑے پیمانے پر شرکت نے نریندر مودی کی حکومت کو بے چین کردیا ہے جبکہ مودی حکومت کی جانب سے اس ریفرنڈم کو روکنے کے لیے بھرپور کوششیں کی گئی لیکن ناکام رہے۔

رپورٹ کے مطابق اس ریفرنڈم نے بھارتی حکومت کو ایک مضبوط پیغام بھیجا ہے کہ ان کے پاس حق خودرادیت دینے کے علاوہ کوئی دوسرا راستہ نہیں ہے جبکہ برطانوی حکومت کی جانب سے بھی نئی دہلی کے تمام خطرات کے باوجود سکھوں کے ریفرنڈم کی اجازت دی گئی ہے۔

رپورٹ کے مطابق آئندہ آنے والے دنوں میں ریفرنڈم برطانیہ کے علاوہ بلیجئم ، آسٹریلیا، کینیڈا، امریکا اور بھارتی پنجاب کے علاقوں میں بھی کروایا جائے گا جبکہ ریفرنڈم کے نتائج کا اعلان پنجاب ریفرنڈم کمیشن آخری مراحل کی ووٹنگ کے بعد اگلے چھ ماہ میں کرے گا۔