سعودی عرب میں کورونا وائرس کا شکار ایک اور مریض جان کی بازی ہار گیا ہے۔

سعودی وزارت صحت نے کہا ہے کہ آج  ہفتے  کے روز کورونا کے 846 نئے کیسز کی تصدیق ہوئی ہے جس کے بعد ملک میں  کورونا کے مریضوں کی کل تعداد 557085 ہوگئی ہے۔

وزارت صحت  نے بتایا ہے کہ  آج کے روز 262 مریض کورونا  سے شفایاب بھی ہوئے ہیں جس کے بعد شفایاب ہونے والے مریضوں کی کل تعداد 542115 ہوگئی ہے۔

وزارت صحت نے مزید بتایا کہ  آج کورونا وائرس کا شکار ایک مریض جاں بحق ہوگیا ہے جس کے بعد جاں بحق ہونےو الے افراد کی کل تعداد 8878  ہوگئی ہے   جبکہ 61 مریض ایسے ہیں جن کی حالت تشویشناک ہے۔

گزشتہ روز مملکت میں کورونا وائرس کے 819 کیسز رپورٹ ہوئے تھے جبکہ 2 افراد جاں بحق ہوئے تھے۔

واضح رہے کہ سعودی عرب میں آج تک کورونا وائرس ویکسین کی 5 کروڑ سے زیادہ ڈوز لگائی جا چکی ہیں جس میں سے تقریباً 2 کروڑ 32 لاکھ سے زائد افراد حکومت کی مقرر کردہ مکمل ڈوز لگواچکے ہیں۔

سعودی  حکومت  کے ذرائع کا کہنا ہے کہ کورونا کے کیسز میں اضافے کے سبب حکومت کی جانب سے  پبلک مقامات پر  ماسک پہننے کو ایک بار پھر لازمی قرار دیا جاسکتا ہے۔

عالمی ادارہ صحت نے خبردار کیا ہے کہ کورونا وائرس کے تیزی سے پھیلنے والے اومیکرون ویریئنٹ سے لاحق خطرہ اب بھی  بہت زیادہ ہے۔