عرب اتحادی فورسز کا یمن میں حوثیوں کے خلاف آپریشن جاری ہے۔ گزشتہ 24 گھنٹے کے دوران مارب کمشنری میں 23 عسکری آپریشن کیے گئے۔

سبق نیوز ویب سائٹ کے مطابق عرب اتحادی فورسز کی جانب سے دعویٰ کیا گیا ہے کہ یمن میں آئینی حکومت کی راہ میں حائل حوثی دہشتگردوں کے خلاف عسکری آپریشن جاری ہیں۔

عرب اتحادی فورسز نے گزشتہ 24 گھنٹوں کے دوران یمن کی مارب کمشنری میں حوثی باغیوں کے خلاف 23 آپریشن کیے جن میں 160 حوثی دہشتگرد ہلاک ہوئے اور اُن کی  17 فوجی گاڑیاں بھی تباہ کر دی گئیں۔

دوسری جانب یمنی افواج نے بھی دعویٰ کیا ہے کہ اُنہوں نے ’’شبوہ‘‘ کے مغربی علاقے کا بڑا حصہ حوثی باغیوں سے خالی کرالیا ہے جہاں اب یمنی فوج نے کنٹرول حاصل کرلیا ہے۔