مقبوضہ جموں و کشمیر کی سابق کٹھ پتلی وزیر اعلی محبوبہ مفتی نے بھی آرٹیکل 370 کے خلاف احتجاج کرنے والوں کا سلام پیش کیا ہے۔

سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے مقبوضہ کشمیر کی سابق کٹھ پتلی وزیر اعلی محبوبہ مفتی کا کہنا تھا کہ سری نگر میں ہمارے احتجاج کو ناکام بنانے کے لیے ظالم بھارتی انتظامیہ نے بھرپور کوشش کی ہے۔

Despite the despotic administration’s attempts to foil our protests, PDP & NC workers managed to hit the streets in Srinagar today to raise their voice against the illegal revocation of Article 370. I salute their courage & resolve. pic.twitter.com/yfRa5nSdmg

— Mehbooba Mufti (@MehboobaMufti) January 1, 2022

محبوبہ مفتی کا کہنا تھا کہ تمام تر کوششوں کے باوجود بھی پی ڈی پی اور این سی کے کارکنان آرٹیکل 370 کی غیر قانونی تنسیخ کے خلاف آواز اٹھانے کے لیے آج سری نگر میں سڑکوں پر نکلنے میں کامیاب ہوئے ہیں۔

سابق کٹھ پتلی وزیر اعلی کا کہنا تھا کہ میں ان کی ہمت اور عزم کو سلام پیش کرتی ہوں۔

GOI trumpets scrapping Article 370 & dismembering J&K throughout the country but is deeply paranoid & intolerant when people of J&K want to protest against its disempowerment. For the umpteenth time, we’ve been placed under house arrest for trying to organise a peaceful protest

— Mehbooba Mufti (@MehboobaMufti) January 1, 2022

انہوں نے نے کہا کہ بھارتی حکومت نے آرٹیکل 370 کو ختم کرنے اور جموں و کشمیر کو پورے ملک میں ٹکڑے ٹکڑے کرنے کا ترانہ بجایا لیکن جب جموں و کشمیر کے لوگ اس کی بے اختیاری کے خلاف احتجاج کرنا چاہتے ہیں تو وہ عدم برداشت کا شکار ہیں۔

ان کا مزید کہنا تھا کہ پُرامن احتجاج کو منظم کرنے کی کوشش کرنے پر ہمیں 15ویں بار گھر میں نظر بند کر دیا گیا ہے۔

دوسری جانب مظاہرین کا کہنا ہے کہ سری نگر میں بھارت کا آج جہموریت کا جنازہ نکلا ہے یہ کونسی جہموریت ہے یہاں تو جہموریت کا جنازہ نکلا ہے، ہم چاہتے ہیں پینتتس اے تین سو ستر واپس آئے اور مسئلہ کشمیر حل ہو۔

مظاہرین کا مزید کہنا تھا کہ ہمارے بچے مررہے ہیں اور ہمارے بچوں کے ساتھ زیادتیاں ہورہی ہیں جس کی وجہ سے کشمیری قوم کا نقصان ہورہا ہے۔

 واضح رہے کہ گزشتہ سال مقبوضہ وادی میں قابض بھارتی فوج نے 210 نوجوانوں کو شہید کیا ہے جس میں 5 خواتین اور 5 کم عمر بچے بھی شامل تھے۔