روس نے برطانیہ کے الزام کی تردید کرتے ہوئے کہا ہے کہ وہ فضول باتیں پھیلانا بند کردے۔

خبر رساں ادارے کے مطابق روس کی وزارت خارجہ کا اپنے ایک بیان میں کہنا ہے کہ ہم دفترخارجہ سے مطالبہ کرتے ہیں کہ وہ فضول باتیں پھیلانا بند کرے۔

دوسری جانب برطانوی سیکرٹری خارجہ کا اپنے ایک بیان میں کہنا تھا کہ جو معلومات جاری کی گئی ہیں وہ روسی منصوبے کو آشکار کرتی ہیں جبکہ یہ منصوبہ یوکرائن کو تباہ کرنے کے لیے بنائے گئے ہیں جس سے روس کی سوچ کی عکاسی ہوتی ہے۔

یاد رہے کہ روس نے اپنے پڑوسی ملک یرائن کے بارڈر پر اپنی فوج کو اکٹھا کررکھا ہے جس کی وجہ خطے میں کشیدگی برقرار ہے جبکہ امریکا اور نیٹو اتحادی ممالک نے آج سے بحیرہ روم میں 12 روزہ بحری مشقیں شروع کرنے کا اعلان کیا ہے۔

یہ بھی پڑھیں: یوکرائن پر حملہ روس کے لیے تباہی ہو گا، امریکا

امریکی محکمہ دفاع کے ترجمان کا گذشتہ روز جاری اپنے بیان میں کہنا تھا کہ ’’نیپچون اسٹرائیک 22‘‘ نامی یہ بحری مشقیں 4 فروری تک جاری رہیں گی جن کا مقصد نیٹو کی بحری صلاحیتوں کے مظاہرے اور تجربات ہیں۔