حوثی باغیوں نے متحدہ عرب امارات کے کارگو جہاز کو ہائی جیک کرلیا ہے جس کو عرب اتحاد نے چھوڑنے کا مطالبہ کیا ہے۔

غیر ملکی خبر رساں ادارے کی رپورٹ کے مطابق متحدہ عرب امارات کے جہاز کو یمن کے ساحلی شہر حدیدہ کے قریب حوثی باغیوں کی جانب سے ہائی جیک کیا گیا ہے جبکہ عرب اتحاد نے حوثی باغیوں کو چھوڑنے کا مطالبہ کیا ہے۔

Warning 001/JAN/2022

Category: Attack

Advertisement

Time: 02 January 2022 2150UTC

Description: UKMTO has received reports of an attack on an MV in position 1513.0N 04212.0E (Approx. 23 NM West of Ras Isa Marine Terminal). Investigations
ongoing.#MaritimeSecurity #MarSec pic.twitter.com/ONe36YiHEH

— United Kingdom Maritime Trade Operations (UKMTO) (@UK_MTO) January 3, 2022

رپورٹ کے مطابق عرب اتحاد کی جانب سے پیر کو بیان جاری کیا گیا ہے جس میں کہا گیا ہے کہ حوثیوں کی جانب سے متحدہ عرب امارات کے کارگو جہاز کو فوری طور پر چھوڑا جائے ورنہ طاقت کا استعمال کیا جائے گا۔

غیر ملکی خبر رساں ادارے کے مطابق ترجمان عرب اتحاد کا کہنا تھا کہ دہشت گرد حوثی ملیشیا جہاز کے خلاف بحری قزافی کی مجرمانہ کاروائی کے نتیجے میں مکمل ذمہ دار ہوگی۔

بیان میں کہا گیا ہے کہ ملیشیا کو چائیے کہ فوری طور پر کارگو جہاز کو چھوڑدے ورنہ اتحادی افواج تمام ضروری اقدامات کریں گی اور ضرورت پڑنے پر طاقت کا استعمال بھی کیا جائے گا۔

ترجمان عرب اتحاد کا مزید کہنا تھا کہ یہ کاروائی انسانی حقوق کے عالمی قوانین اور اقوام متحدہ کی جانب سے بحری کنونشن کی خلاف ورزی ہے جبکہ یہ کاروائی اس بات کی عکاسی کرتی ہے کہ یہ ملیشیا آبنائے باب المنداب اور جنوبی بحیرہ احمر میں بحری نقل و حرکت اور عالمی تجارت کی آزادی میں خطرہ ہے۔

واضح رہے کہ متحدہ عرب امارات کا ‘روابی‘ جہاز یمن کے قریب سو کوارٹر جزیرے کے اسپتال سے سعودی عرب کی جازان بندرگاہ پر آلات منتقل کررہا تھا جبکہ یہ اسپتال سعودی عرب نے قائم کیا تھا۔

رپورٹ کے مطابق اس کارگو جہاز میں ایمبولینس، طبی آلات، خیمر، ٹیلی کمیونیکیشن کی ڈیوائس سمیت کچن کا سامان اور سیکیورٹی تیکنیکی اشیا موجود تھیں۔