نائیجیریا میں مسلح افراد نے 30 طلبا کو سات مہینوں بعد رہا کر دیا۔

حکومتی شخصیت کا کہنا ہے کہ چھوٹنے والے تازہ ترین بیچ میں درجنوں کیبی اسٹیٹ طلبا ہیں جنہیں جون میں اغواء کیا گیا تھا۔

کیبی گورنر کے ترجمان کا کہنا تھا کہ طلبا ایک استاد کے ہمراہ کیبی ریاست کے دارالحکومت میں ہفتے کو پہنچے۔

تاہم ترجمان نے ان کی رہائی کی مزید تفصیلات نہیں بتائیں۔

مغربی افریقا میں تاوان کے عوض سیکڑوں طلبا کا اغواء ایک عام سی بات ہے۔

 کیبی میں وفاقی گورنمنٹ کالج کے طلبا کو 17 جون کو اغواء کیا گیا تھا جب مسلح افراد ریاست کے دارالحکومت سے 220 کلومیٹر کے فاصلے پر موجود بیرنِن-یاوری میں موجود اسکول میں گھس گئے تھے۔

حکام نے تاحال کسی اغواء کار کی گرفتاری کے متعلق اعلان نہیں کیا ہے، جنہوں نے طلبا کو لے کر جنگل میں فرار ہونے سے قبل ایک پولیس افسر کو قتل کیا تھا۔