کینیڈا کے دارالحکومت اوٹاوا میں کورونا پابندیوں کے خلاف ٹرک ڈرائیورز کی ہڑتال کے باعث ایمرجنسی نافذ کردی گئی ہے۔

مقامی میڈیا کی رپورٹ کے مطابق کینیڈا کے دارالحکومت اوٹاوا کے مئیرجم واٹسن نے ٹرک ڈرائیوز کی ہڑتال کے باعث ایمرجنسی نافذ کردی ہے۔

اوٹاوا کے مئیرنے اپنے بیان میں کہا کہ صورتحال مکمل طورپرقابو سے باہرہے اورمظاہرین کی تعداد پولیس اہلکاروں سے زیادہ ہوگئی ہے، مظاہرین شہریوں کی سلامتی کے  لیے خطرہ ہیں۔

ٹرک ڈرائیوز گزشتہ ایک ہفتے سے کورونا پابندیوں  کے خلاف احتجاج کررہے ہیں اورانہوں نے شہرکے وسطی علاقے کی سڑکوں کوخیمے لگا کراورٹرک کھڑے کرکے بند کردیا ہے۔

ٹرک ڈرائیورز نے حکومت کی جانب سے ٹرک ڈرائیورز کے لیے ویکسین لازمی لگوانے کی شرط  کے خلاف ایک ہفتے قبل ’ آزادی کارواں‘ کی مہم کا آغاز کیا تھا۔