بھارت میں ہندو انتہا پسندوں نے گائے کا گوشت کھانے پرمسلمان شخص کوبدترین تشدد کا نشانہ بنا کرقتل کردیا۔

سوشل میڈیا پروائرل ہونے والی ویڈیو میں مسلمان شخص محمد خلیل عالم کوہاتھ جوڑ کرہندوانتہاپسندوں سے معافی مانگتے  دیکھا جاسکتا ہے۔

بھارتی ریاست بہار میں جنونی ہندوانتہاپسندوں کے جتھےنے سوال جواب کے بعدخلیل عالم کوانسانیت سوز تشدد کا نشانہ بنانے کر قتل کردیا ،بعد ازاں لاش کو جلادیا۔

ہندو انتہاپسندوں نے خلیل عالم کی تشدد زدہ لاش قریبی ندی کے کنارے پھینک دی۔

واضح رہے کہ بھارتی انتہا پسند ہندوؤں کی جانب سے مسلمانوں پر تشدد کا یہ پہلا واقعہ نہیں ہے۔

بھارت میں مودی سرکار کی سرپرستی میں مسلمانوں کے خلاف باقاعدہ منظم انداز میں ظلم و بربریت کا سلسلہ جاری ہے۔

انتہا پسند ہندوؤں کی جانب سے اذان دیے جانے اور طالبات کے  حجاب پہننے پر بھی پابندی کا مطالبہ کیا جانے لگا ہے ۔