روس یوکرائن جنگ کے پانچویں روز یوکرائن اور بیلا روس کے درمیان سرحد پر روسی اور یوکرائنی وفد کے مابین امن مذاکرات جاری ہیں۔

اطلاعات کے مطابق یوکرائن کے وفد نے روس سے فوری طور پر جنگ بند کرنے اور روسی فوجیوں کے یوکرائن سے انخلا کا مطالبہ کیا ہے۔

اس سے قبل نقل و حمل اور حفاظتی خدشات کے پیشِ نظر مذاکرات ملتوی ہوتے رہے ہیں۔

گزشتہ روز یوکرائن کے صدر ولودیمیر زیلنسکی نے اپنے خطاب میں کہا تھا کہ اگرچہ انہیں ان مذاکرات سے کسی پیش رفت کی امید نہیں ہے تاہم ہمیں اس موقع سے فائدہ اٹھانا چاہیے تاکہ کوئی بھی یوکرائن پر یہ الزام نہ لگا سکے کہ ہم نے جنگ روکنے کی کوئی کوشش نہیں کی۔