ایران میں غیرت کے نام پر بیوی کو قتل کرنے والے شخص کو گرفتار کرلیا گیا۔

ایرانی میڈیا کی رپورٹس کے مطابق ایران میں ایک نوجوان غیرت کے نام پر اپنی 17 سالہ بیوی مونا حیدری کا سر قلم  کرکے سر ہاتھوں میں لیے سڑکوں پر گھومتا رہا۔

ایرانی میڈیا کی رپورٹ میں بتایا گیا ہے کہ پولیس نے ایک شخص کو گرفتار کیا ہے جس پر بھائی کے ساتھ مل کر اپنی 17 سالہ بیوی کا سر تن سے جدا کرنے کا الزام ہے۔

پولیس نے واقعے کے 4 گھنٹے بعد ملزم اور اس کے بھائی کو اہواز شہر سے گرفتار کرلیا  ہے۔ دونوں نے پولیس کے سامنے قتل کی گھناؤنی واردات کا اعتراف بھی کرلیا۔

سوشل میڈیا پر ایران کی ایک ویڈیو تیزی سے وائرل ہورہی تھی جس میں نوجوان ایک ہاتھ میں بڑا چاقو اور دوسرے ہاتھ میں لمبے بالوں والا کٹا ہوا سر پکڑے گھوم رہا تھا۔