سنگاپور کے وزیر اعظم لی شین لا کا کہنا ہے کہ بھارتی پارلیمنٹ کے آدھے سے زیادہ ارکان مجرمانہ ریکارڈ رکھتے ہیں۔

غیر ملکی خبر رساں ادارے کے مطابق سنگاپورکی پارلیمنٹ سے خطاب میں وزیراعظم  لی شین لا نے کہا کہ آج نہرو کا بھارت ایسا ہوچکا ہے کہ جہاں کی اسمبلی کے آدھے ارکان کا ریکارڈ مجرمانہ ہے۔

سنگاپورکے وزیراعظم کا کہنا تھا متعدد ارکان اسمبلی کیخلاف قتل اورزیادتی تک کے مقدمے درج ہیں جبکہ بھارت میں صرف ابتدا میں جمہوریت تھی لیکن اس کے بعد حالات تبدیل ہوتے گئے ہیں۔

انہوں نے مزید کہا کہ مجرمانہ اورخلاف قانون سرگرمیوں کی جانب سے آنکھیں بند رکھی گئیں جس کے باعث یہ ہوا۔