یوکرائن کی فوج نے روس کے پانچ لڑاکا طیارے اور ہیلی کاپٹر مار گرانے کا دعویٰ کیا ہے۔

یوکرائن کی افواج کی جانب سے جاری کردہ بیان میں شہریوں سے کہا گیا ہے کہ وہ پرسکون رہیں اور یوکرائن کی افواج پر یقین رکھیں۔

روس کی وزارتِ دفاع نے کسی لڑاکا طیارے یا ہیلی کاپٹر کے مار گرائے جانے کی تردید کی ہے۔

روسی ایوی ایشن اتھارٹی روزاویاٹسیا نے عارضی طور پر جنوبی روس میں یوکرائن کی سرحد سے ملحقہ علاقوں میں واقع 12 ایئرپورٹس کو 2 مارچ تک بند کرنے کا اعلان کیا ہے۔

متاثرہ ایئرپورٹس میں پلاٹوو، پاشکووسکی، وٹیازیوو، گلینڈزک، ایلیسٹا، اسٹاوروپول، بیلگوروڈ، بریانسک، اوریول، کرسک، وورونیز اور سمفیروپول شامل ہیں۔