افغان طالبان نے آج سے طالبات کے لیے ہائی اسکول دوبارہ کھولنے کاحکم واپس لے لیا۔

بین الاقوامی خبر رساں ادارے کے مطابق  افغان وزارت تعلیم نے لڑکیوں کے تمام ہائی اسکول آج سے کھولنے کا اعلان کیاتھا تاہم آج صبح جب طالبات اسکول پہنچیں تو انہیں گھر واپس لوٹ جانے کا حکم دیا گیا۔

افغان وزارت تعلیم نے طالبات کے لیے ہائی اسکول تاحکم ثانی بند رکھنے کا نوٹس جاری کر دیا ہے۔

نوٹس میں کہا گیا ہے کہ اسلامی قانون اور افغان ثقافت کے مطابق منصوبے کی تیاری تک لڑکیوں کے ہائی اسکول اگلے حکم تک بند رہیں گے۔

یہ بھی پڑھیں: افغان طالبان کی بھارت میں انتہا پسند جتھے کے سامنے ڈٹ جانے والی طالبہ مسکان کی حمایت

افغان وزارت تعلیم نے طالبات کے لیے ہائی اسکول کی بندش پر ردعمل دینے سے گریز کیا ہے تاہم افغانستان میں اقوام متحدہ کے امدادی مشن نے گرلز  ہائی اسکولوں کی بندش کی مذمت کی ہے۔

اس حوالے سے قطر میں موجود امریکی ناظم الامور برائے افغانستان نے کہا کہ افغانستان میں گرلز ہائی اسکولوں کی بندش مایوس کن ہے، طالبان کی یقین دہانیوں اور بیانات میں تضاد ہے۔