سعودی عرب میں  کورونا وائرس کے 476 نئےکیسز سامنے آگئے۔

سعودی وزارت صحت کے مطابق گزشتہ  24گھنٹوں  کے دوران کورونا کے 476 نئےکیسز رجسٹرڈ  ہوئے ہیں جس کے بعد کورونا مریضوں کی کل تعداد 7 لاکھ 46 ہزار 66 ہوگئی ہے جس میں سے   522 کی حالت تشویشناک ہے۔

سعودی وزارت صحت کا کہنا ہے کہ گزشتہ 24 گھنٹوں میں ایک مریض انتقال کرگیا ہے جس کے بعد انتقال کرجانے والوں کی تعداد 9 ہزار 200 ہوگئی ہے۔

سعودی وزارت صحت کا مزید کہنا ہے کہ گزشتہ 24 گھنٹوں میں 719 مریض صحتیاب ہوئے ہیں جس کے بعد کورونا سے صحتیاب افراد کی کل  تعداد 7 لاکھ 25 ہزار 107 ہوگئی ہے۔