کورونا وائرس کے دوران پہلی بار لوگوں کو رمضان میں خانہ کعبہ اور مسجد نبوی ﷺ میں عبادت کی اجازت دی جائے گئی اس حوالے سے خصوصی تیاریاں  کی جارہی ہیں۔

سعودی عرب کے میڈیا کے مطابق رمضان المبارک کی تیاریوں کے حوالے سے حرمین شریفین کے انتظامی امور کے سربراہ شیخ ڈاکٹر عبدا لرحمان السدیس کی سربراہی میں اجلاس منعقد ہوا۔

اجلاس میں رمضان المبارک میں کورونا ایس او پیز، سماجی فاصلے سمیت کورونا پابندیوں کا جائزہ لیا گیا۔

اجلاس میں رمضان میں لوگوں کو عبادت کے لئے سہولتیں فراہم کرنے کے حوالے سے لائحہ عمل کا جائزہ بھی لیا گیا۔

شیخ ڈاکٹر عبدا لرحمان نے کورونا ایس او پیز کی مکمل پابندی پر زور دیا۔

شیخ ڈاکٹر عبدا لرحمان نے کہا کہ غیر منظور شدہ ویکسین لگوانے والے غیر ملکیوں کو بوسٹر ڈوز لگوانا ہوگا۔

انہوں نے کہا کہ بوسٹر ڈوزلگوانے کے بعد ایپ پر مکمل طور پر ویکسین شدہ  رجسٹر کرانا ہوگا کیوں کہ رمضان کی مبارک سعادتوں کو مقدس مساجد میں گزارنے کی واحد شرط مکمل طور پر ویکسین شدہ ہونا ہے۔

ڈاکٹر عبدالرحمان السدیس نے خادمین کو رمضان میں عبادت کے لیے پرسکون ماحول فراہم کرنے کی ہدایت بھی کی۔