یوکرین کے صدر ولادیمیر زیلنسکی  نے روسی حکام سے مستعفی ہونے کی اپیل کردی۔

برطانوی میڈیا کی رپورٹ کے مطابق  یوکرین کے صدر ولادیمیر زیلنسکلی نے روس کے سینئر حکام اور میڈیا شخصیات سے براہ راست مطالبہ کیا ہے کہ وہ اپنے عہدوں سے مستعفی ہو جائیں اور یوکرین پر حملے کے خلاف موقف اختیار کریں۔

یوکرین کے دارالحکومت کیف سے زیلنسکی نے براہ راست روسی فیڈریشن کے تمام عہدیداروں سے خطاب کیا۔

زیلنسکی نے کہا کہ اگر آپ عہدے پر براجمان ہیں اور جنگ کی مخالفت نہیں کرتے تو عالمی برادری آپ کو ہر چیز سے محروم کر دے گی۔

 یوکرینی صدر نے روسی حکام کو خبردارکیا کہ بغیر نوکری کے چند مہینے یقیناً آپ کے لیے زندگی بھر بین الاقوامی ظلم و ستم برداشت کرنے سے بہتر ہوں گے۔