بھارت میں ہندو انتہا پسندوں نے اقلیتوں کا رہنا مشکل کردیا ہے اور مسلمانوں کے ساتھ ساتھ اب پادری بھی محفوظ نہیں ہیں۔

کشمیر میڈیا سروس کی رپورٹ کے مطابق بھارت کے دارلحکومت نئی دہلی میں ایک انتہائی شرمناک واقعہ پیش آیا، جب ہندو انتہا پسندوں نے پادری کو جے شری رام کا نعرہ لگانے پر مجبور کردیا۔

یہ بھی پڑھیں: بھارت میں بی جے پی رہنماؤں کی درگاہ میں پوجا، متعدد مسلمان گرفتار

رپورٹ کے مطابق دہلی میں رہنے والے ایک پادری کا کہنا ہے کہ انہیں نامعلوم افراد کے ایک گروپ نے خوب مارا پیٹا اور ان کی تذلیل کی جبکہ انہیں جے شری رام کا نعرہ لگانے پر مجبور کیا۔

دہلی پولیس کا اس واقعے کی تصدیق کرتے ہوئے کہنا تھا کہ انہیں 27 فروری کی شام کو پادری کی شکایت موصول ہوئی تھی جس کے بعد واقعہ کی تحقیقات جاری ہیں۔

یہ بھی پڑھیں: اسرائیلی اخبار نے بھی مودی سرکار کے ہندوتوا نظریہ کا اصل چہرہ بے نقاب کردیا

پینتیس سالہ پادری جو گزشتہ 18 برس سے جنوبی دہلی کے اسولا میں مقیم ہیں، ان کا کہنا ہے کہ انہیں 15 سال قبل بھی دہلی کی سنجے کالونی میں ایک نامعلوم گروہ نے نشانہ بنایا تھا۔