دو سال بعد کعبے کی رونقیں مکمل  طور پر بحال  ہوگئیں۔

تفصیلات کے مطابق سعودی وزارت حج و عمرہ کی جانب سے عمرہ زائرین کے لیے کورونا وائرس سے بچاؤکے  لیے احتیاطی تدابیر میں نرمی کردی گئی۔

احتیاطی تدابیر میں نرمی کیے جانے کے بعد سعودی عرب سمیت  بیرون ممالک سے ہزاروں کی تعداد میں  عمرہ زائرین نماز جمعہ کے لیے بیت اللہ شریف اور مسجد نبوی پہنچ گئے ۔

سعودی وزارت حج و عمرہ کی جانب سے ویکسینیشن کی شرط  پر حرمین شریفین میں سماجی فاصلے کے خاتمے  کے بعد نمازوں کی ادائیگی کے لیے بڑی تعداد میں لوگ پہنچ رہے ہیں۔

سعودی وزارت حج و عمرہ  نے عمرہ پرمٹ کی  شرط بھی ختم کردی ہے جس کے بعد اندرون ملک سے ہزاروں کی تعداد میں پاکستانی اور دیگر غیر ملکی اقامہ ہولڈرز عمرہ کی سعادت اور روضہ رسول پر حاضری کے لیے مکہ اور مدینہ  پہنچ رہے  ہیں ۔