مسجد نبوی میں سجدے کی حالت میں نمازی انتقال کرگیا۔

غیر ملکی خبر رساں ادارے کے مطابق مسجد نبوی میں نماز جمعہ کے دوران ایک نمازی سجدے کی حالت میں انتقال کرگیا ہے جس کی تصویر سوشل میڈیا پر وائرل ہوگئی۔

سوشل میڈیا صارفین نے اس تصویر پر اپنے جذباتی تاثرات کا بھی اظہار کیا ہے جبکہ ایک صارف نے تو یہ تک لکھ دیا کہ ’’کاش اس کی جگہ میں ہوتا‘‘۔

تصویر میں دیکھا گیا ہے کہ نمازی سجدے کی حالت میں اچانک انتقال کرگیا جس کے بعد وہاں پر موجود سیکیورٹی اہلکاروں نے فوری طورپر جائے نماز سے میت کو ڈھک دیا جس کے بعد میت کو تدفین کے لیے لے منتقل کردیا گیا۔