ایران کے سپریم لیڈر خامنہ ای کے سینئر مشیر نے  کہا ہے کہ تہران اور عالمی طاقتوں کے درمیان جوہری معاہدہ قریب ہے لیکن یہ تبھی ہو سکتا ہے جب امریکہ سیاسی مرضی کا مظاہرہ کرے۔

کمال خرازی نے دوحہ فورم کی بین الاقوامی کانفرنس میں کہا کہ ہاں یہ قریب ہے اور یہ امریکہ کے سیاسی نقطہ نظر پر منحصر ہے۔

خرازی کا کہنا تھا کہ واشنگٹن کے لیے اعلیٰ اسلامی انقلابی گارڈ کور کو غیر ملکی دہشت گرد تنظیم  کی لسٹ سے ہٹانا بہت ضروری ہے۔

          دوسری جانب تجزیہ کاروں کا خیال ہے کہ 2015 کے معاہدے کی ناکامی کے باعث ایران کی معیشت کو نقصان پہنچا ہے جبکہ مشرق وسطی میں سیاسی کشیدگی میں اضافے سے عالمی تیل کی قیمتوں میں مزید اضافے کا خدشہ ہے۔

واضح رہے کہ 2018 میں امریکی صدرڈونلڈ ٹرمپ نے جوہری معاہدے کو ترک کردیا تھا۔