دنیا کی معروف ترین مائیکرو بلاگنگ ویب سائٹ ٹوئٹر کو 44 ارب امریکی ڈالر میں خریدنے کے بعد دولت کے نشے میں چُور ایلون مسک نے فوراً ہی دنیا  کے بڑے سافٹ ڈرنک برانڈ پر طنز کر ڈالا۔ ویسے کسی نے درست ہی کہا ہے کہ ۔۔ پیسے کی ریل پیل عیب کو بھی خُوبی میں بدل دیتی ہے۔

اپنی بے بہا دولت کے ساتھ ساتھ اپنے طنزیہ بیانات کے حوالے سے پہچانے جانے والے ایلون مسک نے ٹویٹ کیا کہ اُن کا اگلا ہدف معروف سافٹ ڈرنک برانڈ کوکا کولا ہے تاکہ وہ اُس میں کوکین دوبارہ شامل کر سکیں۔

Next I’m buying Coca-Cola to put the cocaine back in

— Elon Musk (@elonmusk) April 28, 2022

واضح رہے کہ دنیا کے قدیم سافٹ ڈرنک برانڈ کوکا کولا بنانے والی کمپنی جس کی بنیاد 1886ء میں رکھی گئی تھی، ابتدا میں اپنے مشروب میں کوکین شامل کرتی تھی کیونکہ تب اِسے مختلف بیماریوں کے لیے بطور ٹانک استعمال کیا جاتا تھا۔

تاہم ٹویٹ کرتے ہوئے ایلون شاید بھول گئے کہ کوکا کولا کی حالیہ مارکیٹ ویلیو 284 ارب ڈالر ہے اور ایلون کے کُل اثاثے فی الحال 253 ارب ڈالر ہیں۔

اگرچہ ایلون مسک نے 5 سال قبل ٹوئٹر کو خریدنے کے حوالے سے بھی کامیڈین ڈیو اسمتھ کے ساتھ ایک ٹویٹ ہی کیا تھا لیکن آج وہ اپنے اُس مذاق کو حقیقت کا روپ دے چکے ہیں۔ لہٰذا کافی حد تک ممکن ہے کہ وہ واقعی اپنے اس مذاق کے حوالے سے بھی سنجیدہ ہی ہوں۔

This exchange continues to haunt me pic.twitter.com/W06oSqx0MR

Advertisement

— Dave Smith (@redletterdave) April 25, 2022

دنیا کی سب سے بڑی الیکٹرک کار ساز کمپنی کے مالک اور صاحبِ ثروت افراد کو مریخ پر بھیجنے والے کھرب پتی ایلون مسک کے لیے، جن کی حسِ مزاح میں بھی کاروباری سوچ ہی پوشیدہ ہوتی ہے ۔۔ کچھ بھی ناممکن نہیں۔

pic.twitter.com/sPIiJjAhgk

— Eva Fo𝕏 🦊 Claudius Nero's Legion (@EvaFoxU) April 28, 2022

بہرحال ٹوئٹر صارفین بھی ایلون مسک کے ٹویٹ پر دلچسپ تبصروں میں مصروف ہو گئے ہیں۔ ایوا فاکس نامی ایک صارف نے مزاحیہ ٹویٹ کیا کہ اُن کے دادا نے کہا، ’’ ہم اپنے دور میں 3 گنا زیادہ محنت سے کام کرتے تھے‘‘ جس پر ایوا نے اپنے دادا کو جواب دیا کہ، ’’ آپ کے دور میں کوکا کولا میں کوکین شامل ہوتی تھی‘‘۔