یوکرین میں حراست میں لی گئی انٹرنیشنل کمیٹی آف ریڈ کراس (آئی سی آر سی) کی ٹیم  کو رہا کرد یا گیا۔

بین الاقوامی خبرر ساں ادارے کے مطابق انٹرنیشنل کمیٹی آف ریڈ کراس کی ایک ٹیم کو روس کے زیر قبضہ صوبے ڈونیٹسک کے قصبے مانہوش میں پولیس کی جانب سے حراست میں لیے جانے کے بعد رہا کر دیا گیا ہے۔

یوکرینی حکام  کا کہنا ہے کہ آئی سی آر سی کے اہلکاروں کی رہائی مذاکرات کے بعد عمل میں آئی ہے۔  ٹیم کو رہائی کے بعد زاپوریشیا بھیج دیا گیا ہے۔

دوسری جانب آئی سی آر سی کے ترجمان کا کہنا ہے کہ ان کی حراست یرغمالی  والی صورتحال نہیں تھی۔

واضح رہے کہ  ریڈ کراس کی ٹیم نے  پیر کے روز ماریوپول سے رہائشیوں کو نکالنے کے لیے وہاں تک پہنچنے کی کوشش کی تھی جو گزشتہ 4 روز میں ان کی چوتھی کوشش تھی۔

زاپوریشیا ماریوپول سے تقریباً 200 کلومیٹر کے فاصلے پر  واقع ہے۔