کل مورخہ 28 مئی کو سورج خانہ کعبہ کے عین اوپر ہوگا جس سے قبلے کی سمت کا درست تعین کیا جاسکے گا۔

خبر رساں ادارے کے مطابق کل مورخہ 28 مئی 2022 کو پاکستانی وقت کے مطابق دوپہر 2 بج کر 18 منٹ پر سورج خانہ کعبہ کے عین اوپر ہوگا جس سے قبلے کی سمت کا درست تعین کیا جاسکے گا۔

واضح رہے کہ ہر سال ماہر فلکیات کی جانب سے قبلہ رخ کا صحیح سمت میں تعین کرنے کے لیے ایک تاریخ مقرر کی جاتی ہے کیونکہ اس وقت سورج عین خانہ کعبہ کے اوپر ہوتا ہے جبکہ سورج سال میں دو مرتبہ خانہ کعبہ کے ٹھیک اوپر آتا ہے۔

خیال رہے کہ جب قبلے کی سمت متعین کرنے کا جدید ترین سسٹم موجود نہیں تھا تو دنیا بھر میں موجود مسلمان خانہ کعبہ پر سورج کا منظر دیکھ کر ہی قبلہ رخ کا تعین کیا کرتے تھے۔