سعودی عرب نے عازمین حج کے لیے کورونا ٹیسٹ لازمی قرار دے دیا۔

تفصیلات کے مطابق حج برائے سال 2022  کے لیے سعودی جنرل اتھارٹی آف سول ایوی ایشن نے کورونا وائرس ٹیسٹ سے متعلق پالیسی گائیڈ لائن میں تبدیلی کردی۔

سعودی سول ایوی ایشن نے  دنیا بھر سے آنے والے عازمین حج  کے لیے سعودی عرب روانہ ہونے سے 72 گھنٹے قبل کورونا ٹیسٹ لازمی قرار دے دیا ہے عازمین حج کی عمر 65 سال سے کم ہونا  بھی لازمی قرار دیا گیا ہے۔

اس سے قبل سعودی سول ایوی ایشن نے 48 گھنٹے قبل کورونا وائرس ٹیسٹ کی شرط رکھی تھی۔

سعودی سول ایوی ایشن حکام کا کہنا ہے کہ کورونا سے متعلق پالیسی گائیڈ لائن کی خلاف ورزی پر سعودی وزارت صحت کے قوانین کے تحت کارروائی ہوگی۔

سول ایوی ایشن حکام کی جانب سے پی آئی اے سمیت تمام ائیرلائنز کو نیا ہدایت نامہ جاری کردیا گیا۔